中產生活點滴

聖誕快樂！ 雖然遲左 D ，不過好過無。送份聖誕禮物比大家。 最近經常找ebook，無意中比我發現到呢個 site，有齊大部份報紙同雜誌，大家得 閒可以睇下啦。Enjoy! http://cg-love.com/news/index.php

調景嶺豪宴酒家

話咁快又聖誕節，今曰平安夜諗咗好耐食乜同買乜禮物好。終於決定係屋企附近 食，禮物就買個銀包，希望佢鍾意。 回想以前，每年唔係去銅鑼灣就係TST，越多人越開心，趁熱鬧。宜家最怕迫人。我 諗係因為老咗。盡之最重要係同屋企人一齊，齊齊整整。 聖誕快樂！

今日係和民食lunch，叫咖啡做餐飲啦，當時只不過係12點半，竟然話比我聽無咖啡。心諗，咁早無晒? 改叫袖子茶，又話賣晒。你話係咪奇怪現象?

話咁快又一個月，近期比較忙，所以咁耐無update 其實呢個月發生好多事，無論係工作或是屋企。由於金融海嘯，差不多所有企業或公司都有影響。相信短期內，就知道對我有幾大影響。 係屋企呢，本來昨日好開心，因我終於draft 好我份 dissertion，只欠 references 未完成。但係下午就收到好突然的消息。一位親友，時常胃痛同肚痛，咪係睇醫生同body check。啱啱上星期睇報告，原來係腸癌同擴散咗去肝，加上他年紀已大，情況唔樂觀。真係世事無常，只係諗住普通腸胃病，點知係絶症。希望佢D 癌細胞唔好擴散得咁快同埋唔好太辛苦，亦希望佢可以睇到佢個仔明年結婚。我會為他祈禱。

今日下午 (2008年11月11日) ，突然收到屋企傳嚟的SMS，"豆豆今日下午走咗啦"。心一沉，起初仍扮無野，扮鎮定，但有時感情真係好難控制，D眼淚自動流出嚟。 今日中午食飯時，仲講緊屋企有8隻貓，都好乖，好叻。只係幾個鐘，就少咗1隻，心情好難過。但係諗到佢一路都病，又醫唔好，其實走咗或者係一個解脫。我會為佢祈禱，希望佢安息同係另一個世界過得開心D啦。豆豆，再見了!

今日個市啱啱同我寫上一篇 blog 相反，升咗成千六點，上返萬四樓上，唔知係咪自己凝住，周圍D氣氛都無咁差。所以我呢，都有反D心情update 下個blog。 玩完捷克，我哋就出發去到德國。第一個感覺，就係終於返反城市，條街起 碼有多D人，仲有夜街行tim，唔洗8點鐘食完飯就無野做。德國第一個景點就係德雷斯頓，D建築物好靚，地方好大，太陽就猛得仔，打開唔到眼。 跟住去咗參觀個廣場、劇院同埋一座教堂 (威廉大帝紀念教堂)，都係個句，D building 好靚。 入到柏林，架車就四圍遊下，唔知係咪之 前D地方太無人，見到柏林通街都係人，好開心，始終 習慣咗香港種多人生活馬。 啱啱去到柏林的呢一日係平安夜，原來歐洲人非常重視聖誕節，差唔多9成鋪頭都無開。好彩我哋間酒店有 X'mas Buffet，我哋成團人就一齊食聖誕大餐。 呢到要真係讚讚我哋個導遊，知道聖誕節好難揾野食，雖然晚餐係自費，都第一時間幫我地book 咗Buffet 先。我地就有聖誕大餐食，有D團，導遊無幫佢哋諗，去到餐廳門口都無得食。因為已經 fully booked。

今日個市真係唬我一跳，跌到萬一邊，仲要好似未到底，身家無咗一大截，真係好傷心。嚟近認真要慳D洗。旅行，no way la。 所以呢，係時侯回憶下之前D旅行囉! 係第5日，我哋就出發去捷克玩3天。我地首先去咗市內觀光，睇咗天文鐘。話說呢個鐘每小時都有一個特別表演，仲心諗會係點?  睇完就真係 "吓" 咗一聲，仲問導遊係咪表演完。因為真係好唔覺係表演，只係敲咗幾聲鐘聲同有幾只公仔係個鐘到轉嚟轉去。不過過鐘就幾靚。 跟住就去咗睇查理四世大橋同遊船河，所賞布拉格的兩岸景色。之後就出發去一固捷克小鎮 - 古姆洛夫過夜。 呢個小鎮好靚，同埋呢到可以試到原裝版既 Budweiser (Budvar)。話說美國係買個配方返去做啤酒，原創作係在捷克到。 第6日，去參觀一個自費項目 - 卡羅維温泉區。有咩特別? 呢到咪係 James Bong 拍 Casion Royale 的地方囉!  真係好靚。同埋呢個温泉區，唔係浸既，係要嚟飲既，所以要買過温泉杯飲。話說飲咗對健康好，不過真係好難飲，味道好怪，叫做試吓啦。 去完温泉區，就返去布拉格參觀布拉格宫，都幾靚。不過一比較，我就鍾意個小鎮同温泉區多D。跟住睇埋D市內觀光，就返咗酒店休息，準備第二朝離開布拉格出發去德國柏林。

啱啱收到東亞Card 張月結單，又幾千蚊咭數，心情馬馬地。但睇真D，有個優惠可以抒緩一下我既不安情緒。由而家至到11月9 日，用$1500 簽單收據 (9月18日至11月9日收據)，去UA買星期六同日的戲票，就可以買1送1，仲有爆谷同兩杯汽水送Tim，即刻令我覺得之前洗咗既錢，都用得值D。就算無咁多簽單，都可以有10% Discount 買票，好過無。 想知多D詳情，可以去呢個網址 www.hkbea.com

呢一日的行程好趕，因為要係上午完成布逹佩斯 (Budapest) 的 city tour 。包括要去蓋列特山、漁人堡、英雄廣場等。但係天氣馬馬，全日都好似矇查查咁。在山上睇布達佩斯全景，好似有一層煙咁。話說Budapest 的名由來，是因為呢個城市被多惱河分開兩邊，河右邊山多，叫做布逹，左邊是平原，叫做佩斯 ，睇吓呢張相，分唔分到左同右邊? 沿住蓋列特山，再次去到漁人堡，我就覺得夜晚靚D啦。最後，架 車經過咗條鏈橋，就到逹 Hungary 的尾站 景點，英雄廣場。呢個廣場都很大吓，在中間只有一條柱，四周就係D政府建築物，因為太大同太冷，我剩係記得其中一座係博物館。 跟住，我哋就起程去、斯洛伐克 (Solvakia) ，呢個只係一個好短既中途站，只停留比我哋食晏同埋附近行吓，不過都幾得意，因為佢有個好似市集的攤擋，我哋買咗個包食，都幾好味。 接住，我哋就起程去、奧地利 (Austria) 的維也納 (Vienna)。到達時，已經天都差唔多黑晒，第一時間，導遊就帶咗我哋去古怪屋呢個景點，對於香港人嚟講，就真係一D都唔覺得特別或古怪。只不過係每層都油上唔同顏色同D窗唔一樣唧。 到我哋睇完古怪屋返到入城，已經所有舖頭都關晒，但係大城市即大城市，就算成條街主要的舖都 closed，人都多幾偣。同埋唔知係唔係因為維也納是音樂之都，街上面既人好似有文化D咁。 呢晚的晚餐係旅行團包既，食吉列朱扒餐，都OK 好食。 我地仲order 埋杯紅酒，只係 $5 Euro，呢到興裝得好大杯，所以 我覺得超值。

一年一度中銀信用咭 $1 換購已經開始咗，由宜家至10月29日，儲 2 張 $500 以上的簽單，就可以去屈臣氏免費換禮物。呢個信用咭優惠，係我其中一個至愛的 Offer ，所以我誠意推介比大家。而且，宜家只要2張單就換到，以前要3張單架，所以就算沒以前咁多間商店選擇，都抵啦!快D 儲單啦! www.boci.com.hk

傷心的事，時常都有，我哋要學識點樣去面對，同埋要開心咁過日子。 所以呢，我會繼續寫返我既旅行經歷，呢D都係很開心的回憶。每次諗起，都會由心笑出來。我希望可以同多D人分享。 係歐洲之後，我去咗海南島，澳洲，日本，同北京。所以都有好多嘢想同大家分享下。我會盡量寫密D，因為我都驚自己會唔記得D得意野。密切留意呢個BLOG啦!

轉眼間，上次寫BLOG 的時間已經係 4 個多月前，當日只講咁旅行同開心事。但是原來人生係有好多變化。係過去呢4個月，發生咗好多嘢。有開心，亦有很傷心。開心的，就係我可以同家人，一行7人去日本旅行，一直都好想重温廿多年前與父母一齊去的第1次搭機旅行。 但係唔開心的，就係我感受到第一次親人的生離死別。今次係我自懂事以來，第一個好親的家人離去，我的嫲嫲係入醫院不足1星期就走咗。我非常傷心。我同嫲嫲有很多一齊的經歷。我係嫲嫲的第一個孫，出世就同佢一齊住，所以我有很多細個既相，都係同嫲嫲影的。到大咗，我亦係最多同嫲嫲一齊去旅行的孫。我哋第一次一齊去日本，第一次一齊去美國，第一次一齊去澳洲。我記得問過嫲嫲，"你仲有邊到最想去旅行的地方，我第日請你去"。佢話係長江三峽。但係到我賺到錢，嫲嫲已經開始行動不便。呢嗰係我一直的遺憾，帶唔到佢去。所以，係佢人生的最後一段，我是好希望盡量倍住佢，呢個亦係我堅持留係醫院通宵的原因，我知道嫲嫲係好怕單獨一人。可以感觸既，係在佢走的時候，所有子孫都在場送佢。我諗佢都走得安慰。 人其實係很脆弱，我記得嫲嫲的病情變壞，只是因為跌咗一下，跟住就已經行唔到，但係精神仍OK。我無諗過，嫲嫲會走得咁突然。所以，有時真係好多嘢都係預計唔到。做人應該及時行樂，唔好太計較。咁樣，就算突然有咩時，都可以不枉此生。

恭喜發財! 係新一年恭祝大家身體健康，財源廣進，萬事如意! 踏入rat年，估唔到每日的話題都係圍繞住 Edison, 阿嬌，Bobo, 等等，其實本來可能無咁震撼，後來多得警方高度重視，及各傳媒的重點追擊，先至攪到而家的情況。係呢件事到，我睇到兩様野，1. Internet 的厲害，2. 香港人對娱樂新聞的重視，遠比政治及經濟重要。因為機乎每份報章同雜誌的頭條都是圍繞呢單新聞。 講返D開心野先，上星期日去 Times Square 行街，發覺滙豐咭有個promotion 好抵，可以用 5025 分 或 7500分，換 HK$50 cash coupon 係 Times Squres 大部份舖頭到用，連 City Super 都用得。仲可以任換幾多張累積使用。(一般滙豐要 25000分換HK$100 coupon) 只要係星期六、日，攞埋張滙豐咭去 Times Square 2/F 既顧客服務台，即刻換到 Coupon，可以即時用或留返2009年前用，超好! 千色店都有類似的 offer。 不過記住，只係星期六日先可以換 Coupon，所以策畧就係先揾個Weekend 得閒去換咗先，留返幾時有野想買先用，唔駛受時間限制law!

今日年廿九，僅係要行街買野，新衫新鞋新褸，通通都要買嚟過新年，買褲=買"富"，當然唔少得。如果你住係九龍區，一定要去藍田匯景廣場5/F 既211號舖Trendy 睇吓 (係藍田地鐵站B出口上電梯轉右最入條巷)。$100蚊 4條褲，質哋仲要非常好，佢今日先開始做減價，所以尺碼都好齊。同店主傾過，有部份仲係韓國褲，因為決定轉線路、唔在賣褲，所以蝕本都無計，志在清貨。 除咗褲，D褸同襯衫都好抵。我當然就係滿載而歸，總共選咗8條褲，2件衫同2 件褸，著靚靚過新年。

揾咗基本資料後，第一樣野要定既就是計劃行程。因為計劃咗邊日去邊到，先可以 Book 酒店同埋夾火車時間。所以，我好快就決定咗10日自由行的行程，起點是德國柏林，即日旅行團解散就搭火車去荷蘭逗留4天，跟住去比利時玩2 日，然後去盧森堡玩2日，在返柏林途中停留科隆玩 1日，最後在柏林玩多2日就返香港。行程緊湊! 定晒行程，就開始揾酒店。嘩，原來歐洲D酒店好貴。好普通既酒店都要 $100 歐羅 1 晚。係歐洲旅行，最方便的方法是搭火車，記住係香港買張火車證，HK$2000 左右就買到德國加荷、比、盧，四國六日的火車證 http://www.eurail.com/ ，超抵! 因為主要搭火車，所以我專揾D係火車站附近或者係連接火車的地鐵站附近既酒店。費事攞住D行李周圍揾車搭，而的士又貴。歐洲是一個 internet 發達的地方，所以用 online book 酒店非常方便。我就去 http://www.google.co.uk/ 到search Bruselles hotel、Berlin hotel、Luxembourg hotel 。因為在歐洲國與國之間旅行好普遍同簡單，經常係D廣告到有 special offer。而英國好多時都係交通中樞，所以特別多呢D廣告law! 我自己最後就選擇咗呢個 website 做 reservation http://www.booking.com/ 。貪佢價錢低同埋唔駛比錢先。最重要就是住之前一日 cancel 都唔駛罰錢!

臨近新年，大家係咪準備辦年貨過新年呢? 呢排個股市咁驚，無心情買野? 唔緊要，有免費年糕! 由而家至2月15日，只要以大新信用咭簽賬滿$2000，憑單就可以去銀行換張大斑年糕劵。洗夠$6000 仲有$120 現金咭送，都幾好。叫做在呢個股市黑暗時期既一點蠋光! 同埋可以沖喜吓，希望股市年年高!

前個排，唔見咗我update 個blog好耐，其實我去咗歐洲旅行。呢次係我第一次自助遊歐洲，當然做足功課，預備充足。結果都無失望，非常好玩。所以，希望可以係到分享吓呢次旅程。 首先，我覺得歐洲所有野都幾貴，其實參加旅行團是一個唔錯的選擇。但係如果鍾意自由D，自己去歐洲都唔係好難，不過，tradeoff 就係要用多D錢同做多D planning。 我的20日逍遙遊，就係一半旅行團、一半自助遊。首先就係參加10日東歐旅行團，由Hungary 開始，遊 Austria, Slovagia, Czech, 尾站 Germany。我就 Stay 係Germany, 自助遊 Netherlands (Holland), Belgium 同埋 Luxembourg. 旅行團就簡單，只要比較吓價錢同埋check 吓邊日有團夾到自己的假期，就可以報名。因為行程都係大同小異。但係自助遊個part，就唔係咁簡單，尤其係由零開始。所以，我想分享吓自己的planning 過程，等大家不用由零開始。 我第一步，就係在自己的 iGoogle ( www.google.com/ig )到開1個 Europe Travel Tab，將所有有關今次行程的旅遊資訊放係呢個Tab 到，容易睇D。例如，我加咗 天氣的gadget ，方便一眼睇晒不同國家的天氣，預備衣物。我又加咗 Bookmark 的gadget ，將所有Search 到有用的website url 放晒係呢個Gadget 到，好似每個國家的旅遊局 official website，歐洲火車 Time Table website, 酒店 website等。另外，我又加咗 Google Docs , 將我plan 的行程表，Book 咗的酒店資料都放晒上去，share 比屋企人，等佢地知道我的行程同埋有急事可以打去酒店揾我。 仲有就係 Currency 的Gadget ，睇住D歐羅對港元的滙率，趁低吸納。 當然唔少得 Google Map 的 Gadget 啦，唔識D路馬! 我bookmark 咗既網站: Belgian Tourist Office Belgium Booked Hotel Belgium Brussels Midi Station map Belgium Railway Booking.com online hotel re...

今日個股市真係嚇死人，1日跌過1,300點，真係有D驚係股災。但係諗深一層，或者呢個係買平野的機會。不過，一定要計吓自己的可接受風險，只好用多餘錢投資。仲有，一定要選優質股，起碼有個跌的底線。我自己就開始留意住呢幾隻股票。包括港交所 (388)、建設銀行 (939)、交通銀行 (3328)、新地 (16)、港鐵 (66) 同埋 利豐 (494)。 選港交所，因為無論個市升定跌，只要有成交，港交所就有生意做。宜家雖然個市跌得咁緊要，都有成1400億成交，仲有佢都幾aggressive，成日有新合作、投資。最重要就係到$150左右，好可能政府又入市，所以我覺得可以留意。 選建設銀行 (939)、交通銀行 (3328)、當然係因為估佢哋業績不差，同大陸加息佢地有機會受惠。 至於新地 (16) 同港鐵 (66)，當然係因為香港如果跟美國減息，地產股會受惠。係地產股，我最鍾意新地，因為自己住新地樓，對佢賣樓有信心，而且佢的管理層都好踏實，所以我選佢。至於港鐵，一來佢係公用股，是很多資金的避難所，另外佢亦有好多鐵路上蓋的地皮儲備，所以減息對佢都有利。 利豐 (494) 一向都係我的愛股，雖然美國經濟不好，對出口股會有一定影響。但係我對利豐的管理層是有信心。Check 吓以往美國經濟差的時候，利豐既業績都可保持住不太差，同埋佢會趁住呢D時間去increase佢既market share。所以，可以留意吓佢，會唔會撈到底。 不過要一堤，宜家美國的次按影響，都可能未反映晒出嚟，所以唔好太急，要睇定D。

Happy New Year! 話咁快就1年。希望大家今年勝舊年，一年比一年好。 點解咁耐無update個blog? 因為去咗20日旅行馬!所以，嚟近呢排會分享吓我D旅遊趣事同靚相! 但係在開始遊記前，要講講返到嚟香港我既第一個感覺，就係"香港真係一個$$$的地方"。唔好睇我平日玩玩吓，我都好關心時事。返到香港第一件事，就係上網睇新聞同check email. 但係睇咗08年D主要港聞，我發現出奇地全部都係講加價、通脹。我就諗，新一年開始，梗係樣樣要好開始，所以我覺得所有公司都出嚟話加價，以表示香港經濟好，同時比個目標打工仔，所有野嚟近都會貴D，要努力工作揾多D。 所以，今年第一個簡單目標，就係諗辦法追通脹。祝大家揾多D!