中產生活點滴

今日下午 (2008年11月11日) ，突然收到屋企傳嚟的SMS，"豆豆今日下午走咗啦"。心一沉，起初仍扮無野，扮鎮定，但有時感情真係好難控制，D眼淚自動流出嚟。 今日中午食飯時，仲講緊屋企有8隻貓，都好乖，好叻。只係幾個鐘，就少咗1隻，心情好難過。但係諗到佢一路都病，又醫唔好，其實走咗或者係一個解脫。我會為佢祈禱，希望佢安息同係另一個世界過得開心D啦。豆豆，再見了!