中產生活點滴

今日開第一枝紅酒，是法國Haut Medoc 2006 Chateau LaTour Carnet 的出品。 50% Merlot, 40% Cabernet Sauvignon, 7% Cabernet Franc, 3% Petit Verdot. Aged 18 months in French oak barrels. 酒色好深，香味好濃，一開 瓶就好濃的香味，berries 味，stir 下有石油氣味。tannic 好重，味好long lasting, 好round, 馴. 好complex-酸度夠又不會好酸。好飲，$350都值。

今日，係元朗準備買花，見到間法國酒廊，入去睇下。就唔見左$1772。買左一枝 Tsarine Champagne, 1x Alsace riesling white wine. 5x red wines, La Tour Carnet - Haut Medoc 2006, Gens De Dijon - Bourgogne Pinot Noir 2007, Saint Emilion - Chateau 2000, Tour ChaigreU - Pomerol 1999, Chateau Geneau - Bordeaux 2005. 仲買埋2隻Bordeaux 杯，抽真空活塞同開器， 我會每 開一枝酒就 update 一次Blog. 一齊研究下酒！

今天學完畫班，回家路上，拍攝於屋企樓下。

今晚去左利舞台6╱F的土門拉麵日本料理食飯，刺身OK, 但拉麵就好失望，好彩個 開心果雪糕都幾好味。補數。埋單$361。未必會再食。

昨日是周年紀念日，去和幸食飯慶祝。叫左碟和牛$168，同海鮮大拼，$268。賣相 OK, 但味道平平。我覺得呢個價錢，應該有更好既選擇！

今日去銅鑼灣利舞台 新羅寶食lunch, 發現逢星期三的本日精選午餐是食神爭霸戰 金獎得主—炆牛肋骨。正價要$118，lunch 只需$56,味道一樣咁好。絕對推介！

地鐵人山人海，皆因就黎八號風。今年好奇怪，幾乎所有風都系是夜晚打，無得早 收工去打麻將。不過，最好都是吾打風，始終打風都是天災，有危險。 到站，落車啦！ 從我的 iPhone 傳送

呢個禮拜吾駛上堂，開始有時間 plan 吓嚟近的假期去邊。人開始老，記性開始無咁好。諗下諗下，襯而家仲記得，應該寫低幾時去個邊到。再遲D，真係驚唔記得。 1987 Aug - 泰國曼谷、芭堤雅 1992 Aug - 日本東京、大阪 1994 Aug - 美國夏威吏、L.A. , San Francisco, Washington, New York, Canada Toronto 1995 Jun - Korea - Seoul 1995 Jul - Singapore 1996 Jun - Australia Sydney, Carins, Brisbane, Gold Coast 1997 Jun - Beijing 1998 Jul - Malaysia K.L. 1999 Apr - China Sanya 2000 Jul - Korea Seoul 2000 Sep - Taipei 2001 Feb - U.S. L.A., Las Vegas 2002 Oct - Korea Seoul 2002 Dec - South Africa 2003 Oct - Japan Tokyo 2004 Feb - U.S. L.A., Las Vegas 2004 Feb - Japan Tokyo 2004 Jul - Malaysia Langkawaii 2004 Sep - Thailand Phuket 2005 Feb - Japan Hokkaido 2005 Jul - Thailand Koh Samui 2005 Sep - Phillipines Cebu 2005 Oct - U.S. New York, San Francisco 2005 Nov - China Shanghai 2005 Dec - Singapore 2006 Feb - Thailand Bangkok 2006 Feb - Japan: Tokyo 2006 Mar - U.S. San Francisco 2006 Apr - Thailand Bangkok 2006 Apr - Singapore 2006 Apr - Malaysia: K.L. 2006 Apr China Beijing 2006 May - Singapore 2006 Jul ...

話咁快，就完成左12堂既國畫班。開心既時間過得特別快。而且，都真係學到d 野，睇下我呢幅畫，係米有板有眼呢！

今日上第二堂國畫班，學畫吉利圖。第一次畫，算係咁。 大家又睇吾睇得出呢幅點解叫吉利圖？ 我相信都好難，士多啤利+雞仔？ 其實尼幅係雞仔+荔枝，用普通話拼音，就同吉利同音啦！好意頭！請細心欣賞。

學識咗滑雪，係第四天就全日實習，開紿滑得"有板有眼"。呢日行程無特別，滑完去浸温泉，同食晚飯，食飯前係TOWN 到行吓，都無特別。 第五日食完早食，滑多2 round ，就要check out 二世古 Hilton 酒店啦! 我哋都好滿意呢間酒店。無論間房、温泉，同滑雪場，都好好。我係網上樂天網book ，仲有包滑雪工具優惠 (租要成8000円1人)，雖然成HK$2000 幾蚊一晚，計落都算好抵! 下午，我哋就搭火車向函館出發。我哋由二世古搭local train (almost 2hours) 再轉返 Express 去 (Almost 3hours)，全程都要成5 hours. 去酒店check in 完，立刻出去揾野食。我地酒店附近，就已經有條 大門橫丁，有好多選擇。我地就決定食太郎居酒屋，因為有個set 好抵，5250円有12品，足夠2-3人食，好豐富。 第六日係全日函館觀光，函館是比較落後的一個城市，完全無大型百貨公司，無夜街行，同東京、大阪有好大分別。第一個去既景點，就係函館朝市。佢好近JR站，我哋由酒店行去，都係8刀鐘。呢到有好多海鮮食市，我哋就僅係把握機會食鱈場蟹。蟹腳當魚生食，body 一半炭火燒，一半 sabu sabu，盛惠 14000円。老板仲送左2隻燒帶子比我哋食。 食完豐富蟹餐，就出發去觀光塔同五星公園。一上到塔項，出 lift，不禁"嘩"左一聲，眼前好好一幅畫，好靚，好impress! 白色的五星公園，一出lift 就已經係眼前，明顯建塔時係設計上有花過心思。由於無百貸公司行，時間充裕，所以係個搭到逗留左好耐。 因為買左個1日電車Day Pass，吾好晒，我地就去咗湯之川睇吓同浸温泉，個温泉係望住個海，都幾好 feel。 跟住我地就去左森之美術館同函館港到食晚飯，呢有有個芝士蛋糕 Snaffl，超好食。就算準備食晚飯，都忍唔住一人一個食左先。成個地方都好靜，間間餐廳都好似無人咁，最後我地決定食転轉壽司。 食完晚飯，要去我地今日行程既最後景點 - 函館夜市。由美術館行去 cable car 站，15 分鐘到，剛好當食軏飯散步。個夜景，同postcard 一樣，好似一個會發光的啞鈴。不過，我覺得夜景最靚的地方，非香港莫屬，可惜香港的夜景，唔係日日都睇到，希望pollution 唔好咁嚴重。 第七日係...

There is always a saying: When one gets older, the personality will change.  I discovered the same phenomenon happen for cats.  Bebe is used to be an independent and high maintenance cat. And now..... changed!

今晚是一位U同學的大喜日子，見返好多好耐無見的同學，莊友。原來轉眼間，對上一次大家見面，已經是2,3年前。時間過得真係快，我地畢業亦已經是1X年。不過好奇怪，雖然咁耐無見，大家都仲係無咩變，仍是老樣子，不過原來好多同學，已經有2 個小朋友，所以，想唔認老都唔得!今晚真係好開心，仲玩返O CAMP 時的Cheers, AIESEC ROCK!

為左準備下星期去馬爾代夫旅行，特別買左部新相機。一向都係 CANON 迷的我，當然繼續支持CANON。因為會浮潛，所以想買部可以落水的相機，以往主要是OLYMPICS 或 FUJIFILM相機，估吾到CANON 都剛剛出左部 POWERSHOT D10可以落10米水深，仲防冷防SHOCK，簡直是PERFECT. 偠錢仲相當抵，豐澤買$2780，送8GB CARD。其實中原買可以平d ，只是$2590，不過想參加豐澤的3 年保養計劃，所以貴d都買。話晒落水，有保養好d，三年內壞，豐澤包修，保費都係$338，咁就盡情上山落水都吾怕個相機壞啦!

To Celebrate Mothers' Day and Mom's Birthday, 10 of us have dinner buffet at Kowloon Hotel. I start with Oyster as Appetizer. Delicious. It is freshly cut by the chef. Then, I have Sashima, wafu Beef, Soup, and of course, my favorite, Dessert! I believe the hotel has been affected by the Economy Downturn. The buffet price is used to be $428 per person at weekday. Now, it only costs $388 per person and there is a special offer on weekday of buy 4 and the 5th free. All of us are very happy and enjoy the gathering very much.

長假期又有疫情，都係吾出街，所以今日就匿係屋企。呢張相真係好似我地兩公婆 今日的寫照。其實如果每日都可以咁悠閒，生活都幾寫意呀！

好耐無行去銅鑼灣富豪酒店附近，原來地下改成商場，叫Delay No Mall. 在2 樓有間賣Cup Cake。賣相真係好靚，不同顏色，不同味道，所以買D食下。有咖啡 味、朱古力味、cookie & cream, lemon, strawberry 等，真係花多眼亂。吾好睇 佢細細個，都幾貴，細個$16 個，大個要成$25 ，我覺得太甜，好睇吾好食！

見好耐無去澳門，周末有時間，過去行下。去左好多次，都未去過黑沙沙灘，而之 前蘇Good又介紹去法蘭度餐廳，即管去食下。由碼頭坐的士，要成$100。我懷疑的 士表有問題，跳得快過我心跳。踏左咁貴的士，緊要盡食出名的菜色。麵包，沙 律，炒蜆，燒排骨，全部都好好味。食完走，原來好多巴士來往市區。$6.5一個 人，超值。

剛剛睇下D相，發現吾記得update 情人節晚餐。大家都知個日食西餐實比人斬，我 地老夫老妻揀左去西貢新德記食海鮮。 情人節對我地是雙重意義，因為同時是我地結婚周年紀念。所以，叫左好多野食。 頭盤先食象拔蚌刺身，賣相好靚。跟住就食豉椒炒聖子王，椒鹽賴尿蝦，辣酒煮花 螺，蒜蓉蒸元貝，中叫埋蟹粥，兩個人食六樣野，都有D誇張。不過無記啦，慶祝 馬！

呢日，全日都係學滑雪。上午8AM 就起身，先浸個温泉，再去食個豐富早餐，準備就緒。今日既天氣認真一般，下雨。不過對於我，就可能係好事，因為個滑雪場好少人，相對好似無咁驚撞到人。原來真正的滑雪，一D都唔簡單。首先對鞋同對 SKI，好重。齋行，都已經覺得有D難度，唔好話滑。仲要控制方向， Speed, 等，對於我呢D無乜運動細胞的人，相當困難。只是上咗上午班，已經累到阿媽都唔認得。好彩我係報私人班，如果唔係，真係阻慢晒阿Sir 的進度。我哋個阿 Sir 係 New Zealand 人，已經係日本住咗4個月，專程留係二世古邊教滑雪，邊自己渡假。 一到12點放lunch, 我立刻除左對鞋，返房休息，飯都可以唔食，因為真係好累。不過最後都係有食野，因為驚無力挨落去，錢又比左，唔可以晒。所以去左酒店二樓食個拉面。中間休息呢半個鐘真係好緊要，下午班好似順利好多。開始我以坐 lift 上去初級雪道自已滑落去。呢一刻，我先覺得滑雪係好玩，之前係上午，真係諗，點解要貼錢買難受，好彩我無放棄。 一路滑吓滑吓，原來已經成5點鐘，好累啦，決定今日到此為止，明天請早。就返去浸個温泉，準備出去食晚飯。我哋行吓行吓，揾到間好 local 的炭火燒飯店，舖頭細細，但係坐滿人，原因好簡單，就係D野食好味道同價錢實惠。食咗好多嘢，都係三仟円左右，抵!

第二天，一早起身就退房，去左JR站換個 Hakkaido JR Pass，今次買左個4日 flexible Pass , 係十日裡面任坐4日。今日的行程就係食個早lunch, 然後就坐 Ski Express 去二世古滑雪。 因為都有2小時， 所以決定去二条魚市場食早飯。睇地圖好似唔係好遠，所以決定行去。沿途都見到D景點，好以時計台、電視塔等。原來去到魚市場，都已經就黎12時，所以好快咁食個 Don 就趕火車。不過個 Don 好好味，有北海道出名的海膽、帶子、三文魚子同蟹肉，加埋個蟹湯，好滿足。不過好味要付出代價，要成2,350円一set, 計起都要成$200 港紙。呢個早飯，一D都唔簡單! 跟住就坐 JR 去滑雪聖地 - 二世古。今次係我第二次滑雪。對上過次已經係4年前都係在北海道滑，所以都唔記得晒點滑，心情都有D緊張。我地 Book 左 Hilton Niseko Resort, 佢一日得4班 Shuttle Bus, 夾唔到我班 JR 時間，所以只好坐 Taxi，15分鐘車程，要成 2000円，都頗貴。 Check in 完，差不多3pm ，立刻 check 下D 滑雪班咩時間同價錢。原來每日的班都係分上午 10am - 12pm 同1pm-3pm 。所以 catch 唔到即日的下午班，所以報咗第二日的全日班 (即上下午都學，共4小時)。私人班 $32,000円。係就係貴咗D，不過可以學識，都值得。報完班，就乘酒店 Shuttle Bus 出市中心走走，免費既。係市中心食完 Dinner，就回酒店泡温泉，個露天温泉，超正，連住個湖，一邊睇住D錦鯉遊水、落住雪，一邊就暖昱昱嘆温泉，人生一大享受!

恭喜發財! 希望係牛年事事順利，身體建康。 之前本來仲講緊歐洲之旅，但係我發覺自己 update 得太慢。中間其實已經去左好多地方，好似同屋企人去名古屋、大阪同京都、北京、沙巴同埃及，都未有時間寫。所以我決定係牛年，要盡量 update 得快D同密D。而家就開始寫北海道之旅。 今次北海道的機票係用 UA 既 mileage 20,000 哩換既，估唔到係過年咁旺的季節都比我換到，不過要係廣州上機。但係比我想像中方便，踏直通車，2小時就到，中要完全唔使轉車或落車查證件。去到廣州東站，跟住就轉的士去機場。呢到一定要提醒大家，最好係火車站附近食野先，廣州機場D食肆仲貴過歐洲，一碗雲吞面，成$60 RMB，簡直係搶錢。最後我去左 Arrival Hall 個層，多D食肆，食左個套飯+湯餐，$50，OK 啦，因為跟住坐機，驚D餐唔好食。同埋因為要係名古屋轉機，然後乘2pm 機，但去到札榥已經要9:30pm。 去到札榥，第一時間買JR票返酒店，ホテルクレスト札幌, 間酒店就係JR站隔離，非常方便。仲有我找到個 special rate, 單人房只要$5000 円，好抵。Check in 完，立即去揾野食，因為已經成11pm，好多食肆已經收咗舖，最後去咗居酒屋笑笑食，入到去，一D都唔似得係深夜，因為仲成舖人。由於太急住出去，連相機都唔記得帶，無得影相。我叫咗串燒，海鮮煱，燒汁雞同埋一樣唔記得咗係咩。不過都唔重要，因為呢餐係全程最唔好食既一餐。