中產生活點滴

到咗步行街，呢到真係市中心，好多餐廳好多人，我地都好肚餓，所以經過見到一間比較大嘅餐館，味香館，食桂林本地菜，就決定入去。 我哋點左桂林名菜， 漓江蝦，啤酒魚，芋頭扣肉，桂林小吃餐，包括有桂林田螺，茶香雞，脆魚，炸芋頭，馬肉粉等等，蝦同魚到好好食，芋頭扣肉就太鹹啊，食唔晒。 嗰小食餐是叫來試下，感受下，味道還可以，田螺最好味。連埋兩支本地啤酒，漓泉，共＄225，都ok 啦。 食完飯，再出去步行街行下，原來出邊有條尚食街，好多小食食，好似台灣啲夜市，都幾得意 。 第一天圓滿結束，返酒店準備第二日九點鐘集合，出發去漓江， 陽朔。

好快截到的士， 向酒店出發，沿途都係山景，好近，個山就在路邊，感覺好特別 。 的士師傅介紹桂林景色，推介我哋參加本地旅行團， 所以帶咗我哋去江山旅遊報旅行團，我們參加了 漓江竹筏一天遊，都幾貴，成＄390一個人。 旅行社仲推介我哋參加 梯田旅行團，我們考慮一下 再決定。我們沒有住在陽朔 ，本來諗住無得睇印象劉三姐，點知呢間旅行社可以安排車係我哋睇完表演後送我們回來桂林，真係好開心。雖然知道佢收我哋門票＄238係比較貴，不過只要加$30就可以即日返嚟桂林，都值得。 我們住在香格里拉大酒店 ，原來距離市中心都有啲遠，不過酒店好大，房間亦好大， 遠少少都唔緊要。由機場坐的士過嚟酒店，都要＄100人民幣。 我哋嘅的士師傅，佢話可以帶我哋一日市內觀光包車遊，系桂林市內一天 ，只收$100，咁抵，梗係即刻叫佢在第三天帶我地一日遊。 到達酒店已經差不多六點鐘，酒店有穿梭巴士去市中心步行街，我們訂了七點鐘出發，所以先想房間休息一會，準備七點鐘去正楊步行街食晚餐 。

聖誕快樂！ 首先食個豐富嘅早餐，由魚蛋粉，炒米粉，火雞肉，燒賣同豆角，仲有生啤，非常豐富。 起飛時，天氣唔係太好，有啲落雨。不過，起飛左就好好天氣啦。望出窗外，藍天白雲。無幾耐，就派飛機餐，系曲奇餅同朱古力，都幾好味。 轉眼間，一個多小時就到，出機場，發覺比想像中簡陋。

Merry Christmas!