中產生活點滴

今日同朋友講開聖誕假期去旅行加價加得好緊要，實在唔抵。 朋友同樣認為，無需要在聖誕假去。佢話比我聽，而家呢D時間去旅行勁抵。例如，可以在星期五去、星期日返，去上海玩3 日，坐靚機 (港龍)，住好D ( 2 晚Sheraton hotel)，都只係$1888，我朋友已經用呢個價錢 BOOK 咗12月14日出發，仍然有位。 http://www.cxholidays.com/chl/zh/r/package/CV7SHA15HKGS?nav=offers 諗起有時去北京公幹，要在指定時間(weekday) travel，只係張機票已經要成$3000，個 difference 真係好大。我諗呢個係供求的問題，大部份由香港去北京或者上海的人都係公幹，多數係 weekday travel ，就算每日有咁多班機，都差不多爆晒，一定無特價。所以，tips 就係，如果想去北京或上海玩，必選星期五，六、日出癹或返港，分分鐘平一半!

近期股市波動，真係唔夠膽輕舉惘動。所以，抽新股相對是比較安全的投資。 但係，抽新股唔係賺硬! 好似近期D新股，保得住招股價已經好好。如果借孖展炒，輸入肉，慘。就算無借margin 炒，經銀行抽都有$50 或者 $100 手續費。點樣可以增加win機會? 1. 當然係揀靚股先抽。雖然多人抽，抽到機會唔大，但係抽到就等於塞D錢比你，易過中六合彩先! 2. 揀間免手續費既銀行去抽新股。好似東亞網上證劵，就可以免手續費抽新股。又或者係中銀 BOC 開個駿富戶口，就可以免$100手續費抽 IPO 。 咁樣，就算抽唔到，都唔洗輸$100手續費先!

呢排 plan 近 x'mas 假期去邊好，當然要睇吓可唔可以有免費機票換。去到 asia miles 個 website check 下，原來 CX 將部份機票的兌換哩數減低咗。 依家只要 30,000 哩 (asia miles) 就可以換到去日本東京、大阪、博多，就連北海道札榥機票都可以換到。(以前要成35,000 哩) 無咁多哩數? 可以諗吓用20,000 哩 ( asia miles ) 換去曼谷 (Bangkok) , 越南 (Vietnam) 或者宿霧 (Cebu) 。比起以前25,000 哩減咗20%。 http://www.asiamiles.com/ 點樣先可以儲到哩數? 當然最基本就係坐 CX 或者港龍啦。如果唔係成日坐機，可以用 credit card 積分去換哩數，但係要留意好多咭都有換哩數手續費。如果問我邊張咭抵，我就會推介申請張 Citybank cathay credit card 或者東亞咭，兩張咭都可以唔洗手續費用簽咭積分換哩數，白金咭仲可以8分換1哩tim。

近期股市不濟，有無諗過用手頭資金當首期買層樓收租? 期實宜家只要手上有 5% 首期，就可以做業主。因為有按揭保險 (HKMA)，只要比D 按揭保險費，就可以借9成半按揭。但係，有無諗過點樣可以係最平息及手續費呢? 如果可以手鬆D，有20% 首期，我就推介恒生銀行的恒生「 好 二 按 」 計劃。 http://www.hangseng.com/hsb/chi/pmo/grp02/p13/index.html 呢個計劃的優勢就係唔洗比按揭保險費，就可以有8成貸款，仲係 0 手續費，超抵! 跟住比較過唔同銀行的 OFFER , 首先大家要留意的係 P ( prime rate ) 唔係每間銀行都一樣。滙豐、恒生及中銀的 P ( prime rate )是 7%，其他的銀行就係 7.25%。所以比較利率時要留意呢個 0.25%的difference. 另外，仲要睇各銀行的現金回贈，建設銀行有0.7%現金回贈、恒生係網上申請有$2000 回贈，其餘大部份銀行都是無或者是0.5%回贈。 但係，買樓前記得要先去做個簡單估價。宜家D樓升得好快，可能銀行估唔足價。記住銀行只會借佢估價的 7 成，可能要自己攞多D錢貼 Difference. 所以，要善用網上資源，睇睇銀行估多少。同埋記得買之前 check 吓層樓係咪凶宅，因為銀行唔會幫凶宅做按揭 mortgage 。 Hang Seng Mortgage valuation http://evalue.hangseng.com/chi/val01.asp BOC mortgage valuation https://www.bochk.com/web/personal/mortgage/free_property_valuation.xml?section=personal&level_2=mortgage&fldr_id=417&pfid=145&NOCACHE

而家，好多香港人會係星期六、日去澳門，少不免會玩兩手。有無諗過唔洗攞任何 cash 出來就可以有$100 本錢? 係真的，係澳門有免費午餐。大家都知澳門的威尼斯人 ( Venetian Hotel ) 係九月已經開張。係 2007 年，實在有太多酒店已經開了。為咗吸引多D人去 Venetian hotel ，佢地做咗個 membership program 。只要去到佢地既顧客服務部 ( Customer Services ) 用旅遊證件登記，就有一張 membership card ，內裏儲有$50 Venetian chip 及 $50 金沙 chip ，可以要嚟玩老虎機。 我推介一部財神到老虎機。呢部機有$0.5 或$0.25 一舖。大家有無去過冒險樂園? 呢部機好似冒險欒園D coin game，唔單止D圖寀一樣有奬，如果有3個財神出現，就會有 Bonus games 玩，越多財神出現係bonus games 到，就越 win 得多。我就係 venetian 及金沙各 win 咗數百圓啦! 最重要就係就算你唔賭錢，當你登記就會員時都可以攞份紀念吅，有時係 venetian 公仔，有時係水晶鎖匙扣，都值$100 左右架! 所以，唔好蝕底，去澳門時記得去 Venetian 行吓，順便登記做會員攞份紀念品走啦!

今日行開街，突然醒起用開樽 SKII 神仙水 (Facial Treatment Essence) 用晒，極度後悔上次搭 CX 時無係飛機上買。因為佢有一枝 CX 獨家版神仙水 (exclusive offer)，210ml 只賣$810，仲可以儲 asia miles tim。正諗住要用，無辦法，正價 150ml about $800 都要買時，比我發現原來佢做緊周年優惠，有係 CX 個支210ml 特別版賣，一樣$810. 雖然無得儲 asia miles ，但係比起正常版平好多，仲有而家買滿$1500 有份價值$480 的 Maxfactor 禮品送。計落條數有著數，所以我立刻買2支神仙水，因為可用至2010年，應該無問題。 份禮品都OK 咖，有1張 facial treatment mask, 1支 30ml facial treatment essence (神仙水), 1支 LXP Activating massage fluid, 1支 signs up lifter, 1支 facial treatment cleansing gel, 同1 bottle LXP ultimate revival cream，仲有個化裝袋仔裝住，都幾抵。(睇圖，張mask 比我用咗) 所以，如果你有用開 SKII，不妨而家去入貨。我買咗2 支神仙水 $1620，當然叫sales 除咗個禮品外，再送多2 個 神仙水 samples ，方便去旅行嗎!

大家有無留意每年十一月既第三個禮拜日，都會定為長者日，今年就係11月18日。 係呢個月，D 大公司好多時都會有D 優惠比 65 歲以上的長者。好似 Cathay Pacific CX 同 Dragonair 港龍就有D 半價機票優惠比長者。 http://www.cathaypacific.com/cpa/zh_HK/offerspromotions/offerdetails?refID=d95bb5746227a010VgnVCM22000022d21c39 ____ 你可以係11月14日前訂 ticket 及在2008 年1 月31 前完成旅程，就有機會有享有呢個半價機會。 如果無假期倍老人家出外旅遊，係香港都有好多優惠。 在長者日正日(18號)，用長者八達通咭，免費乘搭地鐵、東鐵、馬鐵，西鐵、輕鐵、城巴、新世界第一巴士及九鐵接駁巴士。 除咗免費踏車，仲可以帶佢地去山頂行下，六十五歲或以上之長者,可以係長者日免費乘搭山頂纜車。跟住仲有D食肆有優惠tim. 好似小魚滋味、太子餐廳有限公司,金象苑泰國菜館,香港珀麗酒店,意粉屋,鴻星集團等都有D 唔同的優惠。想知道D優惠詳情，睇呢個網頁啦! http://www.hkcss.org.hk/el/scd2007/join.asp

臨近聖誕節，又係出bonus的季節，大家係咪準備咗大出血? 有無諗過買完野可以一季後先比錢又無須比任何利息或手續費? 呢個唔係無可能，只要你有3 張credit card，而其中1張係恒生同1張係中銀 credit card，你就可以輕鬆咁將D咭數延遲到3個月後先交。先舉一個親身例子。 我買野，會先以HSBC Credit card 或 Dah Sing credit card 簽賬。當到期找數時，就利用恒生網上銀行的繳費服務以 恒生 credit card 做支賬戶口 做 online payment. 到恒生咭到期找數，再用中銀 online banking 的 payment services 用 BOC credit card 找恒生咭咭數。咁樣，咪可以3個月後先找數。 但是，要留意唔係每一張咭都可以無手續費去找其他咭數。好似東亞銀行 BEA Credit card 就有3% 手續費。另外， HSBC Credit card 在滙豐 online payment ，雖然無手續費，但係就無太多銀行 的 payment 選擇，所以可能做唔到3個月的延期。 如果覺得好覆雜，就可以簡單D，只申請張中國銀行 credit card 去找其他咭咭數。因為中銀 credit card 是可以找最多間不同銀行 credit card payment 的 online payment system. 就算唔洗太復雜都可以2-3個月先找數。最重要就係1蚊 extra money 都唔洗!

臨近聖誕，是時侯 plan 吓去邊到旅行。所以每日的指定動作，就喺ｓｅａｒｃｈ　吓有咩　Special Travel Package 是又平又靚。發現如果在１１月或１２月１９日前去旅行是超抵。好似　Cathay Pacific 的　promotion 機票去曼谷或越南胡志明市，就只蕒＄１，０６０。 http://www.cathaypacific.com/cpa/zh_HK/offerspromotions/offerssummary?CX_LANGUAGE=zh&CX_COUNTRY=HK 另外，CX Holiday　就有好多勁優惠的 Package ，不過大部份都只是至到１１月３０日有效。如果有價期在１１月，真喺不妨考慮吓去　relax 下，好似$2000　樓下，都可以選擇　3日2夜 package 去北京 Beijing　、上海 Shanghai　、泰國 Thailand Bangkok 、新加坡 Singapore　、檳城 Malaysia Peneng 、高雄 Taiwan KaoHsiung、台北 Taiwan Taipei 等。 http://www.cxholidays.com/chl/zh/r/details/ONLINE_PKG0705?nav=ibe&email=1&print=1 如果想過一個既浪漫又　relax 的假期，我就誠意推介 Clubmed 至到１１月底的　Free Air Ticket Clubmed Package . 我有個朋友剛去完馬爾代夫 Maldives 的　Clubmed　，佢話嗰　Package 真的超值，Ｃｌｕｂｍｅｄ　的特點就是全包宴，一日三餐任飲任食，酒店又靚，實景跟　Clubmed website 的相是一樣，８日６夜連 Singapore Airline ticket 都只喺$15,000 per person . 　你睇睇　Clubmed 的website 就覺得超值。　 http://www.clubmed.com.hk/kani/ 唉，如果我可以１１月攞假，我就必去馬爾代夫 Maldives 的　Clubmed　。希望出年佢仍然有類似　package 啦！

最近收到PCCW 的銷售員的電話，話有特別優惠比now TV客戶。有荀嘢，我當然洗耳恭聽。 原來佢哋有D手機優惠比現有NOW 客戶。如果手機轉台至 PCCW，可以優惠價$2,580買部Nokia N95，預繳亦只喺$300，比起市價$5000左右，真喺超值! 除咗 N95 之外，Nokia E65 都好底。只要$480 及預繳$500，就可以有部 Nokia E65 ，仲可以指定要新的紫色。比起一般攜號碼去PCCW 轉台，機價同預繳都平一截。 http://www.pccwmobile.com/portal/common/multi_section.jsp?fldr_id=7413 當然，轉手機台唔可以只看電話，3G 服務亦是重要。PCCW 的任睇 NOW TV mobile 真喺吸引。啱晒我喺搭車途中，睇住過市。因為收音機在地鐵收唔到，3G TV 的 NOW 財經台就fit 晒我。月費都只喺$138。我計下條數，我現在3 台的月費都咁上下，但如果睇有線財經台 live 就要加 $28 一個月或者$2 一日。而我轉去 PCCW ，除咗 NOW 財經台，仲有新聞台、DISCOVERY MOBILE 台、CNN、ESPN等，諗起都開心。鍾意睇波，仲可以加錢睇直播英超! http://www.pccwmobile.com/portal/common/plaintext.jsp?fldr_id=190 所以，我已經轉咗台，今日已經攞到部 NOKIA N95。希望以後可以用呢部手機影多D相同Video， 令呢嗰BLOG 好睇D 啦! 忽然諗起，如果你選 N95，記得叫佢送留$100 惠康 coupon　比你。而　Ｅ６５，就叫佢送多１ｐａｃｋ電。如果你無問，分分鐘佢唔送比你！ 如果你喺PCCW NOW TV 用戶，有興趣呢嗰優惠，但又沒有PCCW 的 Sales 打電話比你，你就留低你的email 在意見欄到，我send 聯絡我的那位sales contact 比你啦!

近日，在很多廣告都見至周大福大減價的消息。一向喜歡買嘢的我，第一時間去睇睇有無荀嘢。一去到銅鑼灣間周大福的門口，就見到一對2卡的耳環(每隻1卡)H色，只賣$83,000，真喺超值! 因為在隔離間周生生1卡H色的錬鉏已經賣$65,000。 所以，呢次周大福喺真的大減價，比起會員的10%OFF優惠 更底! 所以，無論拍近拖或者已婚的男士，把握慳錢機會，買定份聖誕禮物送比你的另一半，包佢開心到不得了。好似大減價至11月底咋!

This is a very hot topic recently. The HK stock market has risen from 24,xxx to 31,xxx in a month time. Most of us should have earn some profit these day. However, it becomes more scary and scary these day as the HSI can't be up everyday. I don't want to be the last one to leave the market if the market burst. Therefore, I start thinking if investing propery is a better choice for now. I do a simple calculation. If taking $300K as the down payment for a propery of $1.5M, the monthly installment of the mortgage will be around $7.5K. The rent of this flat may be around $6K. If there is 20% growth after 1 year, the profit can be $300K. Oppositely, if investing the $300K on stock market with a very good earning, say 30% a year. The profit will be $90K. At first glance, it seems that investing in the property market can have much bigger profit. It makes sense because there is a lever effect. You only put the 20% down payment to invest on the property. However, a key point is that pr...

一直以來，都希望揾過方法將自己知的Jetso, 同埋覺得值得推介的嘢分享比多D人知。以前就喺見到邊嗰就講，從來無諗過有咩方法可以比多D人知。直至我妹介紹我睇佢嗰BLOG，先一言驚醒夢中人，我都可以寫喎! 諗吓諗吓，都好多嘢想寫，但放工又唔早，不可太多心。所以，我決定寫我最有興趣的話題。旅行(Travel)、食嘢(Dining)、揾錢(Money)，同JETSO, 希望會揾到D人有興趣分享吓啦。