中產生活點滴

粉紅色嗰個呢，係佢哋攞到金奬嘅石榴潮州粉果，味道都算OK啦，不過就冇想像中咁出色。 蝦餃就保持水準，個皮好qq 同埋啲蝦都好爽。我哋仲叫咗雞札，鮑汁鳳爪同蘿蔔糕。個鳳爪好入味，蘿蔔糕就外脆內軟，都係好好食嘅。 匯豐，恒生，中銀，渣打卡都有八五折。

西安有一樣好特色嘅小食，叫做邊邊面（嗰邊字唔識寫），請睇返張相。我問返當地人，呢個字係點樣出嚟嘅呢，佢哋話都唔知道，不過呢，唔係每一個人都識得寫呢個字嘅，佢哋話呢，要識背一首詩，先可以寫到呢個字。竟然比我係小食店度，見到呢首先，所以影低左落嚟，大家以後就識得寫呢個字啦。

西安有一樣好特色嘅小食，叫做邊邊面（嗰邊字唔識寫），請睇返張相。我問返當地人，呢個字係點樣出嚟嘅呢，佢哋話都唔知道，不過呢，唔係每一個人都識得寫呢個字嘅，佢哋話呢，要識背一首詩，先可以寫到呢個字。竟然比我係小食店度，見到呢首先，所以影低左落嚟，大家以後就識得寫呢個字啦。

第二日係我哋嘅重點行程，我哋包咗一架的士，港幣＄450 ,出發去睇秦始皇嘅兵馬俑。原來兵馬俑好遠嘅，司機話條高速公路維修緊，所以原本一個鐘頭嘅車程，變咗差唔多成個半鐘有多。不過點樣都值得去嘅，因為兵馬俑真係好壯觀。兵馬俑原來係一個農民發現嘅，唔係好耐之前嘅事做喎，好似係1974年先發現到，所以到而家都未開發晒。原來兵馬俑原本係彩色嘅，因為接觸空氣氧化左，所以先變成灰色。個博物館都幾多野睇，不過張門票就貴咗啲， ＄150成人票，佢有學生票嘅， ＄75。 首先要行落好長嘅路入去博物館，佢有接駁車， ＄5一個人，我覺得都值得比。入到去有三個館， 1號館係最大嘅，有最多兵馬俑。睇完1號館係個後邊出呢其實好近就係3號館啊，所以我建議睇完1號館，就先睇3號館。3號館呢係最細嘅一個，裏面冇乜特別。反而2號館呢佢就有啲展品喺度，多啲介紹，同有啲比較完整嘅兵馬俑啊將軍啊士兵啊，會更加理解當時嘅軍隊階級。最後呢仲有一個珍藏館，呢度呢就係睇歷史架啦，佢有講番春秋戰國時代話同秦國點樣成立嘅歷史，都幾好嘅。 睇完兵馬俑，司機問我地去唔去睇地宮。地宮其實就係秦始皇個墳墓啦。不過呢因為行到好攰啦，佢哋唔去地宮，叫司機揸車去大雁塔，先坐番個靚鐘休息下。 大雁塔呢其實都係一般啫，不過一場黎到西安，呢度都係佢哋一個好重要嘅地標嚟嘅，所以都嚟參觀吓。晚飯呢我哋就返返去酒店附近嘅小楊烤肉，又幾好食喎。一天圓滿結束。

西安都真係好值得一去嘅，兵馬俑係非常之壯觀，又有好特色嘅小食，係其他地方都未見到個嘅。 我哋第一日落機已經係四點鐘，返到酒店放低行李已經係五點幾啦，呢晚就先去回民街，首先經過古城牆，就入咗好似古代嘅西安城啦，跟住就見到個鐘樓，落車經過個成本就到咗回民街啦，呢度非常熱鬧，真係好多人，紀念品，手信，小食，有啲似台灣個士林夜市。行到肚餓，就隨便入咗一間都好多人下嘅小食店，叫咗個牛肉泡膜，間餐廳介紹話要連埋啲蒜頭一齊食嘅，都算OK嘅。