北海道之旅 2009 第四 - 七天 函館

學識咗滑雪，係第四天就全日實習，開紿滑得"有板有眼"。呢日行程無特別，滑完去浸温泉，同食晚飯，食飯前係TOWN 到行吓，都無特別。



第五日食完早食，滑多2 round ，就要check out 二世古 Hilton 酒店啦! 我哋都好滿意呢間酒店。無論間房、温泉，同滑雪場，都好好。我係網上樂天網book ，仲有包滑雪工具優惠 (租要成8000円1人)，雖然成HK$2000 幾蚊一晚，計落都算好抵!


下午，我哋就搭火車向函館出發。我哋由二世古搭local train (almost 2hours) 再轉返 Express 去 (Almost 3hours)，全程都要成5 hours. 去酒店check in 完，立刻出去揾野食。我地酒店附近，就已經有條 大門橫丁，有好多選擇。我地就決定食太郎居酒屋，因為有個set 好抵，5250円有12品，足夠2-3人食，好豐富。













第六日係全日函館觀光，函館是比較落後的一個城市，完全無大型百貨公司，無夜街行，同東京、大阪有好大分別。第一個去既景點，就係函館朝市。佢好近JR站，我哋由酒店行去，都係8刀鐘。呢到有好多海鮮食市，我哋就僅係把握機會食鱈場蟹。蟹腳當魚生食，body 一半炭火燒，一半 sabu sabu，盛惠 14000円。老板仲送左2隻燒帶子比我哋食。













食完豐富蟹餐，就出發去觀光塔同五星公園。一上到塔項，出 lift，不禁"嘩"左一聲，眼前好好一幅畫，好靚，好impress! 白色的五星公園，一出lift 就已經係眼前，明顯建塔時係設計上有花過心思。由於無百貸公司行，時間充裕，所以係個搭到逗留左好耐。


因為買左個1日電車Day Pass，吾好晒，我地就去咗湯之川睇吓同浸温泉，個温泉係望住個海，都幾好 feel。


跟住我地就去左森之美術館同函館港到食晚飯，呢有有個芝士蛋糕 Snaffl，超好食。就算準備食晚飯，都忍唔住一人一個食左先。成個地方都好靜，間間餐廳都好似無人咁，最後我地決定食転轉壽司。



食完晚飯，要去我地今日行程既最後景點 - 函館夜市。由美術館行去 cable car 站，15 分鐘到，剛好當食軏飯散步。個夜景，同postcard 一樣，好似一個會發光的啞鈴。不過，我覺得夜景最靚的地方，非香港莫屬，可惜香港的夜景，唔係日日都睇到，希望pollution 唔好咁嚴重。












第七日係最後一日係函館，check out 完就去朝市食DON，跟住源住海邊，我地去咗參觀摩周丸，再向前行，就再去咗森之美術館、明治館、函館啤酒館等等，最後一日係函館，僅係要試下函館拉面，我地去左金來軒食，好多旅遊書都有推介。舖頭好local ，由老板2公婆打理，好細間，不過個拉面就真係好好味，好多local 人幫襯!