澳洲阿德萊德之旅 - 香港出發篇
停咗三年冇得去旅行，今日終於出發喇！
文章
菜乾無花果紅蘿蔔杏仁湯
近排天氣忽冷忽熱，上星期仲三十幾度，今個星期最冷又跌到16度，喉嚨有啲唔舒服。呢個時候最啱煲菜乾湯，又係我嗰養生壺表演時間。 菜乾無花果紅蘿蔔杏仁湯 菜乾 一棵 紅蘿蔔 1 條(小)或半個（大） 無花果 3-4粒 南北杏 25g 黃豆 50g 蜜棗 1 粒 豬展 (隨意) 水 1500ml 養生壺煲湯模式，2小時煲好！
美味寶即食海蜇
今日食簡單啲，諗住買啲青瓜加即食海蜇，之前食開燉奶佬，但近期唔得閒，冇去買，結果買美味寶試吓，雖然價錢係平，不過就好乾同埋質地係怪怪地，所以都係一分錢一分貨，燉奶佬嘅即食海蜇好味好多，所以以後就算唔識買，睇價錢就識揀啦。
非常方便的日式Pizza 包
有時懶懶地唔想整嘢食，可以買定呢隻Pizza 包放冰箱。只需要用焗爐230度焗 5-6 分鐘就食得。諗住順便焗啲花生🥜當零食，原來呢個温度太熱喎，燶晒，所以有時都係唔可以太懶，要分開唔同温度焗🤪
泰金香小厨 - 隱蔽美食
泰金香小廚係一個完全冇人行嘅商場2樓，但係其實佢開咗好耐㗎啦，之前喺街鋪而家搬咗入商場，生意仲越做越大，有原因嘅，就係佢啲嘢食有返咁上下份量，兼好好味。呢隻推介就係泰式海南雞，山菜豬肉包，同埋咖喱炒蟹都好好食。 #dining
清熱抗衰老 - 苦瓜杞子茶
杞子補血安神、補腎益精，還可以抗脂肪肝。 苦瓜清熱解毒，有降低血糖的作用。 苦瓜搭配杞子茶有很多好處。苦瓜中含有豐富的維他命C，能滋潤美白皮膚。杞子能抗氧化、抗衰老。常喝此茶就能達到降血壓的目的，不僅如此，還能提高免疫力。
榆林棧 - 炮台山點心專門店
星期日最好就係去飲茶，不過因為政府啱啱先放寬四人一枱，估計今日酒樓都係好多人啊，所以我哋仍然係外賣點心在家飲茶算啦。 今日特別去試吓呢間新派點心專門店 - 榆林棧。整體覺得尚算可以，不過腸粉啲皮就略為厚啲，同埋佢唔記得俾蜆芥汁及腸粉豉油我哋，呢度要扣分。外賣自取而家有九折，所以價錢都算合理，都可以繼續幫襯嘅。
有龍蝦嘅2餸飯？
在新冠疫情下，兩餸飯成行成市，款式亦越來越多變化，今晚就試咗龍蝦🦞同倉魚。轉龍蝦的，$56，倉魚的，$49。叫做試過，龍蝦就馬馬，倉魚都OK，不過整體來說就冇乜驚喜，晚餐未必會再encore了。
老黃瓜 赤小豆薏米茯苓茨實 去濕粥
香港春天天氣濕熱，所以一定要定期煲啲去濕食品。近期黃瓜好靚，最啱用嚟去濕。除咗煲湯，大家可以得閒攞嚟煲粥，可以清吓腸胃。 材料（2人份） 老黃瓜半個 赤小豆薏米茯苓茨實50g （4湯匙） 七色迷惑糙米100至120g 原片麥片30-50g 水1600-1800ml 果皮一角 做法： 1. 先洗淨赤小豆薏米茯苓瓷實及糙米，浸1小時。老黃瓜去籽洗淨切大塊備用。 2. 放入果皮及水開大火煲滾。 3. 放入老黃瓜，赤小豆薏米及米等大火煲15分鐘。 4. 轉中小火煲45-60分鐘。 5. 加入麥片煲15分鐘，最後加埋芝麻，完成✅ 平時其實冇老黃瓜嘅話，就咁煲呢個去濕粥都非常好味。 https://youtu.be/Bxgs-8aqZWE
終於可以重過正常生活 - 出街食晚飯
等咗差唔多兩個月，終於可以重過返我哋香港人正常嘅生活，就係夜晚可以出街食飯。 所以一早已經訂定位，食返餐勁嘅。琴晚特登去咗馬辣麻辣火鍋，順便重溫下台灣滋味。 而家仲有得做新會員，每位可以減$10 ，我哋兩個人，買單只係$350 ，真係非常抵。
疫情新常態 2 - 煮飯仔
新冠疫情之後，除咗多咗買外賣，就一定係多咗自己整嘢食啦。因為冇得去餐廳食，外賣食得多都厭啦，所以係冇辦法之下，就算之前好少煮嘢食嘅我，而家好多時都會自己煲湯就當一餐。 養生壺對於我嚟講真係非常好，因為佢可以煲花茶，又可以煲湯，又可以煮粥，一壺多用。 而家呢啲天氣，又熱又濕，最好就係煲老黃瓜赤小豆螺片湯。等我分享吓今日呢個湯嘅養生壺份量食譜。 材料（養生壺：一至二人份） 老黃瓜半個 赤小豆薏米茨實50g 干螺片50g 豬肉200g 蜜棗一粒 果皮一角 水1500ml 做法： 赤小豆薏米茨實及螺片先浸1小時，老黃瓜洗淨切大塊，其他材料洗淨，放入養生壺，按煲湯模式，大約兩小時後就有美味的湯水了。
疫情新常態 - 高級2餸飯
新冠疫情發生後，有個新常態，就係大家多咗買外賣返屋企食。所以當條街好多餐廳執笠，偏偏兩餸飯嘅舖頭，就增加咗好多，今日就比我試咗個高級兩餸飯，估唔到仲有炆龍躉食，盛惠$40 ，正！
