榆林棧 - 炮台山點心專門店

星期日最好就係去飲茶，不過因為政府啱啱先放寬四人一枱，估計今日酒樓都係好多人啊，所以我哋仍然係外賣點心在家飲茶算啦。

今日特別去試吓呢間新派點心專門店 - 榆林棧。整體覺得尚算可以，不過腸粉啲皮就略為厚啲，同埋佢唔記得俾蜆芥汁及腸粉豉油我哋，呢度要扣分。外賣自取而家有九折，所以價錢都算合理，都可以繼續幫襯嘅。